Iba ngayong araw. Bloggable. Kasama na dito ang reason kung bakit ako nagblog. "Alternative Classroom Learning Experience" o ACLE ngayon. Sa isang taga-UP, masayang araw ito kasi walang klase pag hapon. May mga hinahandang seminar/gawain ang mga organisasyon ng mga estudyante para pumalit sa klase.

Kasama na doon ang org namin, na nagsagawa ng seminar patungkol sa "Mainframe Programming". Bilang app, sumama ako. Ok din siya, sapagka't may natuklasan ako patungkol sa mga higanteng kompyuter na tinatawag na mainframe.

Isang profitable na gawain pala ang pagprogram ng ganung kompyuter. Buti na lang may programming sa course ko (at hindi po ako ComSci/CoE...)

Yun nga lang, feeling ko ibang language ang ituturo sa amin kesa sa COBOL, na siyang ginagamit sa mainframe.

Maaga kami natapos sa seminar na yun. Kaya wala na naman akong magawa. Bigla akong napadaan sa isang usapan na patungkol sa blogs. Pwede palang magpaka-anonymous pag gumagamit ng blog. E ako... Dati, may multiply ako at blog. Meron din akong blogspot account, pero tsaka ko na lang sasabihin, gawa ng aking pagpapakalabo. (di pagpapakalbo please!!!! :P)

Ganito yun. Kilala ako sa blog na yun. E may mga gusto akong sabihin na ayokong malaman ng sinasabihan ko na siya yung sinasabihan ko. Labo 'no? Itong halimbawa.

Sabihin nating naiinlove ako ngayon. E torpe nga ako. Gusto ko bang sabihing mahal ko siya? Oo. Gusto ko bang malaman niya na mahal ko siya? Hindi.

[aside] Speaking of crush, etong napakaweird. Bago mag-ACLE yung org ko, sinamahan ko co-app ko papuntang tambayan. Nakita ko crush ko. Kilala ng co-app kong yun. Pulang-pula ako. Nag-hi pa man din ako. Nahahalata ng co-app kong torpe ako. Tsk, tsk, tsk. Tawang-tawa siya sa akin.

Ngayon, sasabihin ko ba yan sa isang blog kung kilala ako ng mambabasa? Siyempre hindi. Nababasa din ng crush ko yung blog eh. :P [end of aside]

Where was I? So, ayon. Kaya rin ako gumawa ng bagong blog. May anonymity dito eh. Pwede akong magpakabaliw at 'di sirain ang aking reputasyon. MAMIIIIIIIIII!!!!!!!!!!! wahahaha.